কোনটে গেলু কান্দুরি, কোনটে গেলু ফেলানি

কুনটে গেলু কান্দুরি
কুনটে গেলু ফেলানি(২)
মুই যে হইছুম সাধের রান্ধুনি
দুইটা আটালি আনিয়া দে মু
খাট্টা গুনা দিম তেলানি।
দুইটা তেজপাতা আনিয়া দে মু
খাট্টাগুনা দিম তেলানি।।
ও মুই, মনের হাউসে ডাইল রান্ধুম
পাটার স্বাদও দিয়া
কোলা ব্যাংটা ঝাপিয়া পড়ে
পুসকুনি ভাবিয়া।।
দাদীজানে দেইখা বলে
ডাইলের ভিতর মাংস দিছোনি?
একনা জিরা পাতা আইনা দে মু
খাট্টাগুনা দিম তেলানি।
একনা অসুন বাটা আইনা দে মু
খাট্টাগুনা দিম তেলানি।
ও মুই ভাত রান্ধিয়া মাড় পাশানু
মাটির ভাসকা দিয়া
সেই না মাড় ফেলিয়া দিনু
কাইঞ্চার পাশও দিয়া।।
হাইরে গরম মাড়ে দাদাজানের
পিঠ পুড়িয়া পিঠের জ্বলানি।
দুইটা আটালি আনিয়া দে মু
খাট্টা গুনা দিম তেলানি।
দুইটা তেজপাতা আনিয়া দে মু
খাট্টা গুনা দিম তেলানি।
♪
শিরোনাম: কোনটে গেলু কান্দুরি, কোনটে গেলু ফেলানি
গীতিকার: পাওয়া যায়নি
সুরকার: পাওয়া যায়নি